Vawiin khan I&PR Conference Hall-ah nihnih awh tur  ‘Capacity Building Programme for Journalists on their Role in Addressing Human Trafficking Issues’ tan a ni. He zirhona hi Pu Lalsawta, Law Minister in a hawng.
Pu Lalsawta chuan mihringa sumdawnna hi tumahin duh lo mah ila, kan state chhungah hian thlen ve ni a awm reng tawh pawh a ni thei a chuvangin a dona tura tanfung kan insiam thiam a pawimawh hle a ni. Hetiang thil hi hmasawnna in a ken tel anih avangin Look East Policy kan tih ah te pawh hian thlirna zau tak neia mihringa sumdawnna tibo emaw ti nep turin emaw kan inbuatsaih hi thil tul tak a ni ang. Thliarkar angin kan tla fal reng thei dawn lova, hmasawnna hrang hrang kan zawhin chu lamah chuan ke kan pen ve zel a tul si avangin hmasawnna ken tel thil tha lo te erawh do a ngai si a ni, Minister chuan tiin chanchinbu mite hi mipui mar dek tu an nih vangin heng thil kan zir ho te hi mipui hnena zirtir chhawngtu an ni a, an mawhphurhna hi a sang hle a ni, a ti.

He zirhona hi Impulse NGO Network, Shillong leh Vanglaini leh Zalen Chanchinbu  tangkawp buatsaih a ni a,  Pi Hasina Kharbhih, Team Leader, Impulse bakah hemi chungchanga mithiamten zirtirna an pe.