2248/2024-2025

Aizawl, the 27th September, 2024: Mizoram State pumah September ni 30, 2024 (Thawhtanni) hian Mim Kût, 2024 hman a ni dawn a. He Kût hian Mizote hnam ziarang leh nunphungte entira a chawilar avangin Mizoram Sawrkar hnuaia thawktu zawng zawng leh State Sawrkar hnuaia Public Sector Undertaking, Board, Body leh Agency hrang hrangte chu September ni 30, 2024 hian Office hun chhunga Mizo thuam inbel turin General Administration Department (GAD) chuan a ngen a; Administrative Head leh Head of Department zawng zawngte chu anmahni department hnuaia Official leh thawktu zawng zawngte hriattir turin a ngen bawk a ni.

Mizorama Mim Kût hmanna pui ber chu September ni 30, 2024 (Thawhtanni) hian Sawrkar ruahmannain Vanapa Hall, Aizawlah chawhma dar 11:00 ah neih a ni dawn a. Aizawl khawpui chhunga Sawrkar hnathawkte chu Controlling Officer-te remtihna la hmasain Mim Kût hmannaa an tel Sawrkar chuan a phalsak a ni.