No.726/2021-2022
Aizawl, 29th May, 2021 : May ni 27, 2021 khan Mimbung khua mi pakhat inentir chu Mimbung PHC Medical Officer Dr Tawnsangzela Tonson-in RAgT a test tura a tih anga test a nih hnuah vanduaithlak takin Covid-19 a vei tih hmuhchhuah a ni a, Saitual CCC a awm tura phurhthlak nghal a ni. Amah hi Driver niin a vei tih a hriat hma hian contact a lo nei nual hman a. Contact tracing tih nghal a ni a, mi pakhat dang positive hmuh belh a ni a, contact tracing hi tih chhunzawm zel a la ngaih avangin Saitual DC chuan Mimbung khaw pum hi Restricted Area-ah ni 28.5.2021 khan a puang nghal bawk a ni.
He thilthleng hi a hriat veleh Sialkal Range Development Council (SRDC) Chairman Pu L.Thangmawia, Lengteng bialtu MLA ni bawk chuan Ngopa SDO(Civil) Pu Vanlaltanpuia MCS, Mimbung PHC Medical Officer leh Mimbung khawtlang hruaitute be nghalin a tul angin hma a la nghal a. Mimbung PHC in tun dinhmuna an mamawh zualpuite chu ngaihtuah nghalin heng a hnuaia tarlante hi nizan dar 10 khan motor tirin Mimbung PHC-ah a han dah chhoh tir nghal a ni :
1. RAgT Kit – 100
2. PPE Full Set - 37
3. Surgical Gloves - 3 boxes
4. Digital Thermometer – 3
5. N95 Mask - 40
6. Accucheck Instant Machine – 2
7. Surgical Mask - 500
8. Hand Sanitizer - 5 ltrs
9. Spin Mop - 5
10. Spray Gun - 1
11. 5% Sodium Hypochlorite - 1 bottle
12. Shoe cover - 50 pairs
13. Softa-man Handrub 500ml – 10
14. Garbage bag – 12
SRDC area huam chhung khaw 6 a VLTF te tan heng a hnuaia tarlante hi a pe nghal bawk a ni :
1. Mimbung VLTF – Rs 10000, Silpouline 3, Sanitizer 5 Litres, Mask 200, Glove 1 box
2. Hrianghmun VLTF – Sanitizer 5 Litres, Mask 100, Glove 1 box
3. Teikhang VLTF – Sanitizer 5 Litres, Mask 200, Glove 1 box
4. Kawlbem VLTF – Sanitizer 5 Litres, Mask 200, Glove 1 box
5. Selam VLTF – Sanitizer 5 Litres, Mask 100, Glove 1 box
6. Vaikhawtlang VLTF – Sanitizer 5 Litres, Mask 100, Glove 1 box
Heng thil phurhchhoh tur nizana a vailiamnaah SRDC Chairman chuan SRDC chu an bial chhung mipuite tan a tulna apiangah a chechhuak zel dawn tih sawiin, SRDC area mipuite chu chi-ai mai lo va, fimkhur tak leh huaisen taka he hripui do kawnga tan la chhunzawm zel turin a chah a. Sawrkar leh VLTF te thu zawma dawhthei taka ngaichang hram hram zel tura chahin, kan tanruala Sawrkarin kan damna tura ruahmanna a siamte kan zawm that phawt chuan Pathian zarah he hripui hi kan do hneh ngei dawn a ni, a ti.
Pu L. Thangmawia chuan Frontline Worker-te leh Healthcare Worker-te, ral hmatawnga beitute thawhrimna leh inpeknaah lawmthu a sawi a, Kohhran leh tlawmngai pawlte thawhrimna leh inpeknaah lawmthu a sawi bawk. SRDC area huamchhung leh Lengteng bial chhunga chhuanchham an awm loh nana theihtawp chhuah turin VLTF hotute chahin, a tul apiang a hnenah inthlahrung lova thlen turin a ngen a, a tih theih chinah chuan theihtawp a chhuah zel tur thu a sawi bakah COVID-19 do kawngah mipuite tawiawmna a ngen nghal bawk a ni.
Attachment
- Loading attachment...
