No.727/2021-2022 

Siaha; 29th May, 2021: Vawiin chawhma dar 10:00AM atang khan  Dr.K.Beichhua,Minister of State i/c SWD,AH & Vety etc. chuan Siaha Town chhung veng hrang hranga VLTF duty te tlawh kualin, an area huamchhung theuhva Covid-19 inkharkhipna avanga harsatna tawk  chhungkua te  chhawmdawlna tur Rs.10,000/- theuh a MLA Fund atangin VLTF 22  te hnenah a hlan.Minister hian MTP(Gen.Hqrs) Office pawh tlawhin, Covid-19 do nan Rs.10,000/- a hlan bawk.

MoS Dr.K.Beichhua chuan Covid-19 hrileng laka mipui kan him  theih nana ral hmatawnga a ding VLTF duty te inpekna leh thawhrimna chu ropui a ti thu sawiin, Siaha district   covid-19 laka a him theih nan tha thlah lova Covid-19 hri dona beihpui thlak chhunzawm zel turin VLTF te chu a  ngen hlawm a ni.

Minister Dr.K.Beichhua hian a bial chhung Thingtlang khaw lama VLTF te pawh, kan hma kar khian tlawh chhuah vek a tum a ni.Vawiin VLTF duty te atlawh kual lai hian New Colony-III  Sinking Area-a  Culvert siam mek pawh en nghalin, Minister chuan Furpui a tlak hmaa hna hi thawh a ni loh chuan harsatna namen lo thleng thei a ni avangin Chief Minister hnenah he  kan harsatna hi ka thlena, hna hi a ba  thawh mek a ni, a ti.