No.728/2021-2022

Dated Champhai, the 29th May, 2021: Law & Judicial Minister Pu T.J. Lalnuntluanga, Champhai South bialtu MLA ni bawk chuan vawiin khan a bial chhung Zokhawthar khua, Covid-19 hrileng vanga Containment Area a awm mek chu chhawmdawlna thilpek a pe.

Law & Judicial Minister chuan Containment Area a awm mek Zokhawthar VLTF leh mipuite chu harsatna an neihte a hnena thlen hreh lo tur leh an mamawh neihte inthlahrung lova hrilh thin turin a chah a. BIaltu MLA a nih anga tih theih a neihah chuan theihtawp chhuah a inhuam thu a hrilh a ni.

Hun engemawchen Containment Area atana puan leh khauh taka inkharkhip kalpui mek Zokhawthar khuaa harsatna tawkte chhawmdawlna turin Minister hian ei leh in mamawh Tel, Dal leh Neutrela engemawzat a pek bakah tul leh mamawha hman turin  pawisafai Rs 10,000/- VLTF hnenah a pe a. Heng tanpuina ei leh in leh sumfaite hi Minister aiawhten Zokhawthar VLTF  kutah an hlan a ni.

Champhai South Assembly Constituency bialtu MLA Pu T.J. Lalnuntluanga, Law & Judicial Minister hian Zokhawthar Containment Area tan hian tanpuina buhfai engemawzat a pek tawh bakah a bial chhunga Covid-19 hrileng mek avanga lockdown tuar chhungkua, harsatna tawkte chhawmdawlna turin buhfai bag thahnem tak a lo sem chhuak tawh bawk a ni.