Mizoram Institute of Medical Education & Research (MIMER), Falkawn venhim hna thawk turin August ni 24 hian JC Securtiy Guard & Labour Supply Agency nen thawhhona thuthlung an ziak fel. JC Security te hian Medical College leh MIMER Hospital venhim hna an thawk dawn a ni. 

He contract hi kum 2 chhung atan ziah phawt niin pawh sei zel theih tura ruahmanna siam a ni. JC. Security te hi Mizoramah Security din hmasa ber niin Employee nei ngah ber leh changtlung ber an ni a, Mizoram hmun hrang hrangah hna an pe mek zel a, tunah hian an hnuaiah mi 400 chuangin hna an thawk a ni.

Agreement hi MIMER Director, Dr.L.Infimate leh Pi Hmangaihropuii, JC Security Senior Marketing Officer ten an sign a ni.