Vawiin ni khan Dr. Vanlaltanpuia, MLA, Chiarman, MYC chuan MiMSA hruaitute leh tunhnaia  Honda India Talent Cup 4th  Round thleng tlan zawh tak a Point leader leh a dawttu nihna hauh mektu Lalnunsanga leh Lalrinzuala Tlau te chu thingpui inah sawmin, lawmpuina pawisa fai Rs 5,000/- a hlan bakah, 5th Round an tlan lehna turah duhsakna a hlan. 

Dr.Vanlaltanpuia chuan, Kan thiamna, tuina leh theihna te hi hnaah chan tir a, eizawnna tlinga kan inchher chhuah a tul tawh a, tun tuma in hlawhtlinna hian Zofate theihna a entir a, a hnam anga theihna sang tak kan neih hi, eizawnna tlinga kan in chher chuan kan la ropui dawn a ni” a ti.

Honda India Talent Cup ah hian Round 5 a awm a, tunah hian June thla atang khan Round 4 an tlan tawh a, 5th Round hi 28th & 29th September, 2019 hian Chennai-ah an tlan leh dawn a ni. He 5th Round hi a tawpna tur niin, hemi hnu hian Overall Champion puan a ni dawn a ni. He intlansiak ah hian Lalnunsanga, Kum 18, S/o K. Lalzuala, Electric Veng, Aizawl chu point leader niin,  Lalrinzuala Tlau, Kum 19, S/o Lalthanthuama Tlau, Electric Veng, Aizawl chuan a dawt a, Champion title hauh theihna chance sang tak Mizoram in a nei a ni.