Vawiin khan Secretariat Conference Hall ah, Chief Secretary Pu Lalmalsawma kaihhruaina in, Principal Secretary, Commissioner, Secretary leh Head of Department te thukhawm in Meeting pawimawh tak an nei.

Meeting hian Budget Session hnuhnung bera House member ten sorkar department te kalphung tha zawk atan an duhdan an sawite sawi in, Chief Secretary chuan heng an tarlan te hi ngaipawimawh theuh turin kalkhawmte hi a chah a ni.

Assembly Session atna department hnena zawhna leh chhanna pek chungchangah uluk leh fimkhur taka chhanna buatsaih thin turin Chief Secretary chuan kalkhawmte a hrilh bawk.

Thutlukna siam thuai ngai thil awm thinah hun khawhral lova, ngaihtuahna hmang thiam turin leh department tana thil lei chungchangah sorkar dan dinglai zawm ngei turin Pu Lalmalsawma chuan kalkhawmte a hrilh bawk.

Pu Lalmalsawma chuan, midang tanpui duhna hi kan nun kaihruaitu nise, vantlang rawngbawltu kan nihna hi theihnghilh ngai loh nise, discipline vawn that a pawimawh thu a sawi bawk. Sorkar hnathawkte chu darkar 8 chhung thawk tura rawih an nih angin hun hi vawng dik tur an nih thu Chief Secretary chuan a sawi bawk.

Meeting ah hian kum 2017 - 18 a hmalak dan tur duante inpawh takin sawi ho a ni. Department hrang hrangin an hmachhawpte meeting ah hian a tlangpui an sawi theuh bawk.