Mizoram Forensic Science Laboratory chuan ‘XVIII All India Conference of Directors of Fingerprints Bureaux’, ni 30-31, March 2017 chhunga Madhuban, Haryana a neihah India ram puma Forensic thiamna hmanga Crime Case chhuichhuak tha lawmman 2-na Excellence Award an dawng. Kum 2016 atang khan National Crime Record Bureau(NCRB), Govt. of India chuan he award hi Case chhuichhuah kawnga hnathawh that lawmman atan a siam a ni.
Mizoram FSL chuan Kulikawn P.S. case no. 171/2010 dt. 23.10.2010 u/s 341, 376(2)(f), 302 IPC chhuichhuahna kawnga Crime Scene leh Laboratory 3 an hnathawh vangin he lawmman hi an dawng a. He Award in a ken tel pawisa fai Rs.7500/- (Sangsarih zanga) leh Citation chu Pu H. Sangchungnunga, Director, Mizoram FSL hnenah hlan a ni.