No.7163/2020-2021

Vawiin chawhma khan YMCA, North East India Region (NEIR) Annual Regional Council Meeting chu zoom kaltlangin neih a ni a. He meeting hi Health & Family Welfare, Higher & Technical Education leh Commerce & Industries Department changtu Minister Dr. R.Lalthangliana; Regional Chairman, YMCA (NEIR) ni bawk chuan a kaihruai a ni.

He hunah hian hmarchhaka YMCA hmalaknate sawiho niin Guwahati-a YMCA building thiah dan tur te, North East chu Kristian tamna state kan nih laia pawla inhmang kan tlem avangin thalai tam zawk an tel theihna tura hmalak te, hmalak zelna atana sum hmuh dan tur te sawiho a ni a. Covid-19 avangin hun rei tawh tak atang khan meeting tura kalkhawm a rem lova, remchang hmasa berah hripui dinhmun te thlir chungin Guwahati-ah meeting neih ni se tih te rel a ni.