Minister Dr. R. Lalthangliana  chuan hun engemawti chen USA lama UNAIDS, Health & Wellness International Office-ah leh World Bank hotute a hmuh hnu-ah Ni 16th January, 2020 khan New Delhi a lo thleng a.

Minister Dr.R. Lalthangliana hian Ni 17 January, 2020 khan New Delhi-ah Ministry of Human Resource Development a Joint Secretary, Pu JC Hosur hmuin kum 10 chuang zet MZU Southern Campus din theih nana sorkar laipuia Mizoram Vice Chancellor leh mi thahnem ngaite thlen tawh thinna leh Mizoram sawrkar Chief Minister Pu Zoramthanga pawhin sawrkar laipuia a lo a thlen tawh chu bawhzuiin, Jt.Secretary(Central Universities etc), Human Resource Development hian Minister hi  MZU Southern Campus din phalsakna Approval Letter a lo tih chhuah sak nghal a ni. Hemi chungchangah hian Minister Dr.R.Lalthangliana chuan hma lo la tu te tawh zawng zawng chungah lawm thu a sawi a ni.

Hemi ni vek hian Minister Dr. R.Lalthangliana chuan Pi Kamini Chauhan Rattan, IAS, Joint Secretary(Higher Education etc), Ministry of Human Resource Development leh official dangte hmu nghalin  Mizoram a RUSA kalpui zel dan tur sawipuina hun tha tak a neih pui bawk a. RUSA Project III lo awm leh tur, tun Financial Year April 1, 2020 atanga tan tur ah hian abikin Mizoram in a mamawh em em College tihchangtlunna infrastructure hrang hrang te tihhlawhtlin ngei theih nise tih chu a thlen a ni. Minister chuan Union HRD Minister hoa tun kum hnih kum thum kalta chhunga RUSA kalpui tawh anih dan chungchanga State Minister zawng zawngte ko khawm a, State hrang hrangin an hlawkpuina te leh kaldan phung fuh tawk lohna te en hona Review Meeting emaw Conference emaw neih thei nise a duh thu Ministry officials te hnenah hian a hrilh bawk a ni.

Minister hian Tribal Affairs Minister Pu Arjun Munda leh Pi Renuka Singh Saruta, Minister of State, Tribal Affairs te Chu an pisa-ah hmu leh nghalin  Zoram Medical College in medical zirlai te tana Boys' and Girls' Hostel sakna tur ngaihtuah pui turin Tribal Affairs Minister pahnihte hnenah hian a sawi a, hemi chungchanga Mizoram Chief Minister in lehkha a ziah tawh te thai langin, a ngenna ngaihpawimawh turin a thlen nghal bawk a ni. Tribal Affairs Minister pahnihte hnenah hian Mizoram in Health & Family Welfare leh Higher & Technical lama Infrastructure, abika Mizoram in a mamawh hrang hrangte a thlen chu ngaihtuahpui rang turin a ngen bawk a ni. 

Minister Dr. R.Lalthangliana hian Pu Arun Kumar Panda, IAS, Secretary, Ministry of Small & Medium Enterprises  kawmna hun neiin, Scheme for Upgradation of Traditional Industry (SFUTI) project hi Mizoramah kalpui ni thei se a duh thu a thlen a. Hemi atana tanpuina awm thei maximum fund cheng nuai 500 chu Mizoram a kut deh lama thiamna bik nei Artisans ho tihchangtlunna leh chhawm chhohna atana kalpui turin a thlen. Micro Small Enterprise Cluster Development Program for Manufacturing Enterprises, hemi atan kum thar (FY 2020-21)atana cheng Nuai 1000 dil theih ah, Mizoram chu telh ve turin a ngen bawk a ni. Minister thu thlen leh ngenna hi Secretary, MSME hian  lo ngai pawimawhin India hmarchhak viltu Director Pu Obijit Sharma, Gwauhati  chu Mizoram tana hma lak theih dan tur kawng ngaihtuah turin a hriattir nghal bawk a ni. Union Secretary hi Minister chuan Mizoram rawn tlawh, a ram hmun ngeiah enpui turin a sawm a, Secretary hian February, 2020 chhunga Mizoram a kal theih ngei a beisei thu alo hrilh a ni.

Hemi ni vek hian Dr. R.Lalthangliana chuan Pu Roshan Jaggi, Joint Secretary, Ministry of Ayush hnenah Mizoram a Ayush Hospital sakna atan state sawrkarin Project a lo thehluh tawh chu arang thei anga tihhlawhtlin sak turin a thlen nawn leh a, Joint Secretary hian a Minister thu thlen hi a ngai pawimawh hle a, Financial Year thar 2020-21 chhunga tihhlawhtlin a nih theihna turin theih tawp chhuahpui alo tiam a ni.

Hemi hnu hian Pu Ashwini Kumar Choubey, Union Minister of State for Health nen inkawmna nei leh in, Health & FW Department in an mamawh pawimawh bik  leh Health Department hmalakna kal lai meka harsatna Department in a tawh mekte leh hmalakna thar pawimawh bikte ziaka thlen turin Union Minister hian a lo hrilh a ni.

Minister Dr. R.Lalthangliana hian, Pu Dr.Vinod K. Paul, Member, NITI Institution for Transforming India Committee a Health & FW leh Higher Education changtu leh Medical Council of India Chairman ni lai  chu a hmu nghal bawkin Mizoram mamawh hrang hrang- Zoram Medical College, Health leh Higher Education tih changtlun nana Infrastructure mamawh zual te a thlen a. Dr. Vinod K. Paul hian NITI Aayog Member anihna anga, a hnena ziaka thehlut turin Minister hi thurawn a lo pek bakah theihtawp a lo chhuahpui tur thu a hrilh bawk a ni.