Health & Family Welfare Minister Dr. R.Lalthangliana’n vawiin Dar 9:30PM khan  Union DoNER Secretary Dr. Inderjeet Singh chu New Delhi-ah hmuin, Health & Family Welfare Department in Kum 3 chhunga hmalakna tur ruangam siam turin Secretary hian Minister hi a hrilh a. Health Minister hian Dr. Preethi Rajaraman, US Embassy a India leh South Asia, Health Sector changtu chu Mizoram House-ah kawmin, US doctor te nena thawhho dan tur an sawi ho bawk a, Dr. Preethi Rajaraman hian hun remchang hmasa berah Mizoram a rawn tlawh tur thu a sawi bawk a ni. 

Vawiin vek khan Union Secretary, Ministry of Food Processing Industry Pi Pushpa Subramanian pawh kawm nghalin, Mizorama thei thar chhuah sawngbawl dan tha zawk a awm theihnana hmalakna tur hrang hrangte an sawi bawk a ni. Minister Dr. R.Lalthangliana hian chawhnu lamah Union Health & Family Welfare Secretary Pi Preethi Sudan pawh kawmin, Zoram Medical College atana hmalak chhunzawm zel dan tur te a sawipui bawk a ni.

Minister hi Chief Secretary Pu Lalnunmawia Chuaungo in a tawiawm a ni.