2799/2025-2026

Dated Aizawl, the 6th January, 2026: Vawiin khan Minister Dr Vanlalthlana chuan a department chan - School Education Department, Higher & Technical Education Department leh Information & Communication Technology Department official-te chu a pisa-ah kum thar inhlanna hun a hmanpui.

Minister Dr Vanlalthlana chuan Pathian kaihhruainaa kum 2026 an chuang kai thei chu a lawmawm tih sawiin kum 2025 pawh tha takin an hmangin a hriat thu a sawi a. Kum thar an chuan kai anga rilru thar pu turin officer-te chu a chah a. "Keini lo chu Pathianin Mizoram siam tha turin kut dang a nei lo a. Kan hna hi Pathian rawngbawlna a ni tih hre rengin theih tawp i chhuah chhunzawm zel ang u," a ti.

He hunah hian Rev. R. Ramnghinglova, Ramhlun North Bial Presbyterian Kohhran pastor chuan hunserh hmangin thuchah tawi a sawi bawk a ni.