2423/2025-2026

Champhai, dated 27th November 2025: Higher & Technical Education Minister Dr. Vanlalthlana chuan vawiin khan Govt. Champhai College tlawhin zirtirtute nen inkawmna hun a hmang.

Minister Dr. Vanlalthlana chuan thu sawiin college leh DC Office tangkawpin civil services coaching class an lo buatsaih chu lawmawm a tih thu a sawi a, zirlaite'n an hlawkpui ngei a rin thu a sawi bawk. Duhthusamin zirtirtu leh staff an nei lo tih a hriat thu sawiin theih ang angin tanpuina pek a tum thu a sawi a, chutih rual chuan theihtawp chhuaha zirlaite hamthatna ngaihtuahin taima taka zirtir zel turin a chah. Zirlai tha tak, ram kaihruaitu leh danglamna siamtu chher chhuak thei turin duhsakna a hlan bawk a ni.

He hun hi Govt. Champhai College Principal Dr. C. Laldawngliana'n a kaihruai a, Champhai Bawrhsap Pu Mohammad Aaquib chuan thu tawi a sawi bawk.

He hunah hian KVIB Chairman Pu C. Lalremliana, Samagra Shiksha State Project Director Pu C. Lalthanzira te'n Minister an tawiawm a ni.