2422/2025-2026

Khwwzawl, dated 27th November 2025: Vawiin khan DC Office Conference Hall-ah Branch MSME - Development & Faciliation Office, Aizawl chuan Entrepreneurship Awareness Program (EAP) an buatsaih a, Khawzawl Bawrhsap Pu K. Vanlalthiana'n khuallian niin a hawng.

Khuallian Pu K. Vanlalthiana chuan MSME (Micro Small Medium Enterprises) sector hi a pawimawh em em a, mi tam takin intundin nan an hmang thei tih sawiin he training an buatsaih hi lawmawm a tih thu a sawi a. Training tel zawng zawng te ngaithla thaa thil tam thei ang ber zir chhuak turin a chah a, mahni sumdawnna leh eizawnna changtlung tak siam chhuak turin duhsakna a hlan a ni.

Hawnna hunah hian MSME - DFO, Aizawl Asst. Director Pu Samrat M. Jha chuan lawmna thu a sawi a, resource person te'n thu tawi an sawi theuh bawk. Hawnna hun hman zawh hian training tan nghal a ni a, resource person te chu heng hi an ni:

1. Pu Lawmkima, Lead District Manager - Financial Literacy and Banking Procedures for setting up of enterprises 

2. Dr. Lalliantluanga Ralte, Dept. Of Education/ Entrepreneur Cell Secretary - Digital Marketing for MSMEs

3. Pi Rinsangzuali Hrahsel, DLRP Representative, DCIO Khawzawl - Schemes of State Commerce & Industries Department

4. Pu Samrat M. Jha - Schemes under Ministry of MSME

He program hi Ministry of MSME hnuaia Entrepreneurship cum Skill Development Scheme hnuaia buatsaih a ni a, sumdawnga eizawng duh te tan buatsaih niin an tangkai pui tur sawrkar scheme inhrilhhriatna neih a ni.