17/2023-2024

Aizawl the 3rd April 2023 : Vawiin khan Social Welfare & Tribal Affairs Development Minister Er. Lalrinawma chuan Poshan Pakhwada, 2023 kharna hun MRB Head Office Conference Hall, MINECO-ah a hmang.

Minister Er.Lalrinawm chuan eitur tha hi mihring chang nilo ransa te pawn an mamawh a, khawvelah eitur tha awmdan in mihring leh ransa population a nghawng a, kan nun khawchhuahna tur kawngah thui tak a in nghat a ni a ti a. Tunkum hi 'International Year of Millets' a puan alo nih angin Millets (Buhtun) chu chaw tha a ni tih hre thar a, zunthlum veite tan pawh Glycemic Index hniam chaw niin, mitin tana ei him a ni a ti a. Buhtun hi buh(rice) aiin rei tak a dah that theih a, taksa in a ngeihloh glutten pai lo a ni a ti a. Minister chuan March ni 20 atanga April ni 3 thlenga programme hrang hrang duan hlawhtlinna chu thawktute inpeknaah a innghat a ni a ti a.

Vawiin a Poshan Pakhwada 2023 kharna inkhawm a Anganwadi Training Centre buatsaih, Millet Based Food e-Book release tu a ni chu lawmawm a tih thu sawiin, he e-book ah hian mizo ka mil a eitur siam dan chi hrang hrang recipe 14 a awm thu sawiin Poshan Pakhwada 2023 chu lawmtakin a khar nghal a ni.

He hunah hian Poshan Pakhwada 2023 hman dan hrang hrang, Pi Saipari, Deputy Director chuan a tarlang a. Pu Madhup Vyas, Commissioner & Secretary chuan 'Eradication of malnutrition' tih thupui hmanga painting in elna lawmman a sem a. Pi Zoramthangi Chhangte, Director chuan lawmthu sawiin he hun hi a khar a ni.