18/2023-2024
Aizawl, the 3rd April 2023: Vawiin kha SWD Minister Er. Lalrinawma chuan Social Walfare & Tribal Affairs Office tlawh a. He hunah hian SW&TA officer leh staff te kawmin department hnuaia hmalakna hrang hrang te a sawipui.
SWD Minister Er. Lalrinawma chuan SWD&TA hnathawkte fuihna thu sawiin an hnathawh pawimawhna te, mipui tana an tangkaina leh mawhphurhna pawimawh tak te hre thar leh turin a chah a. Social Welfare Department hnathawh chu a pawimawh a, mipui huapzo hna - nu naupai, naute, naupang atang kum upa leh PwD te enkawl thlengin a hmuam tel vek a. He mawhphurhna pawimawh tak hlenchhuak tur hian a thawktute chu taima taka thawk zel tur leh anmahni dawrtute pawh tha taka dawngsawnga, lo tanpui zel turin a fuih a ni.
Minister leh SW&TA staff te inkawmna hun hi Pi Zodingpuii, Director in a kaihruai a. SWD Minister chuan SW&TA office room hrang hrang, an hmanrua te leh an bungraw kawl te pawh a endik nghal bawk.
