Chief Minister thu rawn angin Mizoram Larsap chuan Chief Minister leh Cabinet Minister pathum te hna chanpual tlem a siksawi. Chief Minister chuan a enkawl thin SAD leh Fisheries chu Pu R. Lalzirliana pek a ni a ; Soil & Water Conservation pawh Pu J.H. Rothuama enkawl tur zingah dah a ni ta bawk. Pu R. Lalzirliana enkawl thin District Council Affairs leh Pu Zodintluanga enkawl thin Information & Public Relations Department chu Chief Minister portfolio a ni tawh ang. Pu J.H. Rothuama hnen atangin Taxation Department pawh Pu Zodintluanga enkawl tur a tih a ni.

Hemi chungchang Chief Secretary in hriattirna an chhuah tarlan dan in Chief Minister enkawl tur Department te chu :1) Political & Cabinet Department ; 2) Vigilance Department ; 3) General Administration Department ; 4) Public Works Department ; 5) Power & Electricity ; 6) District Council Affairs Department ; 7) Minor Irrigation Department ; 8) Information & Public Relations Department.

Pu R. Lalzirliana enkawl tur department te chu : 1) Home Department ; 2) Prison Department ; 3) Rural Development Department ; 4) Secretariat Administration Department ; 5) Fisheries Department.

Pu J.H. Rothuama enkawl tur department te chu : 1) Land Revenue & Settlement Department ; 2) Co-operation Department ; 3) Excise & Narcotics Department ; 4) Soil & Water Conservation Department.

Pu Zodintluanga enkawl tur department te chu : 1) Urban Development & Poverty Alleviation Department ; 2) Sports & Youth Services Department ; 3) Taxation Department ; 4) Information & Communication Technology Department.