Vawiin khan AH & Veterinary Department chuan an Minister Dr.K.Beichhua hovin Polyclinic Conference Hall, Aizawl-ah an hnathawh thlirletna Quarterly Departmental Review Meeting (October-December, 2019) an nei. He review meeting ah hian District tin a department hotute leh farm enkawltute bakah Aizawl a officer te an tel a ni.

He meeting hi AH & Veterinary Director, Dr. Hmarkunga a kaihhruai ah hian Minister Dr.K.Beichhua chuan thusawiin hetiang Quarterly Review Meeting neih hi a pawimawhin kan hnathawh dan leh kalhmang te inhriatpuitawnna hian thawhhona tha a hring chhuak a ni a ti a. District tina rualkhai taka hmasawnna kalpui turin hmun hrang hranga thawk tu ten mahni phaktawk theuh a theihtawp chhuah turin kal khawmte a fuih a ni.

He Quarterly Review Meeting ah hian October-December, 2019 chhunga District leh Farm hrang hrang a hnathawh leh hmalakna te, hlawhtlinna report te ngaihthlak a ni a, hmasawn zel dan tur te sawiho a ni. Hei bakah hian Department in scheme hrang hrang hmanga hna a thawh dan kalhmang te leh hmachhawp awmte Nodal Officer ten power-point presentation hmanga entirna leh sawifiahna neih niin sawihona hun tha tak hman a ni.

Dr. H.Laltlanmawia, Addl. Director(AH&DD), AH& Vety. in lawmthu sawina a neih hnuah he meeting hi tih tawp a ni.