Vawiin chawhmaah khan School Education Directorate Conference Hall-ah Review Meeting on Grassroots Football Development Programme chu Pu H.Rohluna, School Education Minister hovin neih a ni.
School Education Minister Pu H.Rohluna chuan SSA- Tata Trusts leh Mizoram Football Association te nen tang tlanga Grassroots Football Development programme a taka kalpui a ni thei chu a lawmawm a tih thu a sawi a. Mizo nu leh Pa ten fate tuina zawng phurpui an thiam tan tih sawiin infiamna bakah eizawnna kawng hrang hrangah hlawhtlin tur chuan ruihlo laka insumtheihna, tuarchhelna, taihmakna leh tumruhna pawimawh ber a ti a. Mizoram in football ah hlawhtlinna nasa tak a hmu chho mek zela tih sawiin hmeichhia te pawn hlawhtlinna liantham zawk an hmuh theih nan sawrkar in tan a la mek zel a ti.
He meeting hi Pu K. Lalthawmmawia, School Education Director leh Pu Lalhmachhuana, State Project Director, Mizoram SSA Mission in meeting hi a kaihruaia. Report a tarlan dan chuan Mizoram chhunga SSA-TATA Trusts leh Mizoram Football Association te thawhonna hnuaiah hian naupang 3000 ten Training centre 60 ah football an zir mek a.Grassroots Football Development Programme kalpui mek pual hian State Level leh District Level ah tournament buatsaih thuai tum a ni.
