Vawiin chawhnu dar 1:30 khan Information & Communication Technology Minister Pu Lal Thanzara hovin ama office chamber-ah ICT Meeting neih a ni a, Mizoram Sorkar Department Administrative Process siamthatna tur leh mipuiin awlsam zawka sorkar an dawr zung zung theihna tura ICT Department-in ruahmanna (Project) a siam an sawi ho. He Project hi World Bank funded project a ni a, Ministry of Finance hnuaia Department of Economic Affairs atang pawhin approval hi hmuh tawh a ni.

He Project hmang hian Department tam zawk computerisation thawh theih beisei a ni. Vawiin meeting ah hian Finance, Planning leh ICT Department hotu te an tel a ni.