Transport Minister Pu John Rotluangliana chuan vawiin khan a pisa ah Co-ordination meeting a ko va. Minister hi Parliamentary Secretary Pu TT. Zothansanga’n tawiawmin, Transport Department leh PWD (Highway) hotute nen Mizoram chhung lut tur rit phur motor overloading chungchangah thu pawimawh tak tak an khel ho a ni.

Meeting-ah hian motor lian ten an rit phur phal zat aia tam phurin Mizoram an rawn luhpui em ti a Transport checkgate-a endik thin dan leh, dan bawhchhiate hremna te sawiin, kalphung tha leh fel zawk siam a ngai em tih te ngaihtuahho a ni a. Tunah hian Mizoramin weighbridge a la neih loh avangin checkgate-ah motor registration document-a load capacity inziak leh an bungraw chalan-a bungraw rih zat inziak chu enmil thin a ni.