Rural Development Department hnuaia thawktu Officer-te leh Staff chuan Directorate of Rural Development Conference Hall, Chanmari, Aizawl ah kum 2016 atana ‘Inhlantharna’ hun an hmang.
He hun hi Home Minister Pu R. Lalzirliana, R.D. changtu ni bawk leh Lt. Col. Z. S. Zuala, Parliamentary Secretary, R. D. Department ten an hmanpui.
Fuihna thu sawitu Pu R. Lalzirliana chuan RD Department hnuaia thawktute zawng zawng chuan kum 2015 chhungin thahnemngai taka hna an thawh avanga lawmthu sawiin kum tharah pawh nasa zawk a tanla sauh sauh turin a chah a. Rural Development a thawkte chu a bik taka thingtlang mipuite rawngbawltu an ni tih in hre nawn fo tur a chah in hawihawmna nen an Office rawn dawrtute lo dawngsawng thin turin a chah a.
Thusawitu dang Lt. Col. Z.S. Zuala, Parliamentary Secretary, pawhin RD Department-a thawkte chuan an hnate leh an hmachhawp reng reng tihpuitlin anih theih nan ahun taka thawk zo hman thin turin a chah a ni.
He Inhlantharna Programme-ah hian Pu V. Lalsangliana, Director, R. D. Department, chuan kum kalta-a R.D. Department hnuaia hmalakna tlangpui Report pe in, kum thar atana an hmachhawp te a tarlang bawk.
