Rural Development Minister Pu Lalruatkima chuan vawiin khan a pisaah Rural Development Department Directorate a thawktute nen inkawm hona hun an hmang.

Minister Pu Lalruatkima chuan Department hmalakna leh harsatna an neih an thlen te uluk taka ngaihthlak sakin a tul anga hma a lak zel tur thu a sawi a. Thawktute an hnathawhnaah inpekna nasa zawk leh Pathian rawngbawlna a ngaia ram tana theihtawp chhuah turin a chah a ni. Rural Development Department a nih angin Miniser chuan thingtlang lam leh mi harsa zawkte khai ding tu tur department an nih angin Central Sawrkar lam atanga Scheme lo kal te pawh dik tak a hmanga, a chhawr tur ngeite hnen thleng phaka thawk tur leh Department din chhan ang takin hmasawnna thlen tur khawpa tang tlang turin a fuih a ni.

He hunah hian RD hnuaia scheme hrang hrang kalpuite sawiho a ni a, Department lam atangin Pi Rita Lalnunmawii Pachuau, Jt. Director chuan Department kal dan leh thil tul ang ang sawi sawifiahna hun a hmang a. Central atanga scheme lo kal te hmanga hna an thawh dan leh a scheme kalphung sawifiahna te neih a ni bawk.