Vawiin tlai dar 3:00 khan Pu PC Lalthanliana Social Welfare Minister chuan a chamber ah Social Welfare Secretariat leh Directorate staff te nen inkawm in, kumthara hmalak dan tur leh kalphung tur te an sawi ho.

Minister chuan Social Welfare chu department pawimawh tak; zoram khaw kilkhawr zawk te pawh huam a; Naupang atanga Tar thleng a enkawlna mi anglo leh kuttualleichham te, awmtha duhlo leh Ruihhlo bawiha tangte enkawltu, Rai lai leh Tar chaklo, Naupang thanglai tana eitur tha petu, Rahbi tleu laklawh tawh te leh Nunkawng tha zawh ngaihna hre tawhlo te tan kawng dap saktu leh tanpuina leh nunkawng kaihhruaina lama hma la tu department an ni tih hre reng in; “in zinga te ber chunga in tih chu ka chunga ti in ni “ti tu leh “ka ril a tamin eitur min pe a ka tui a hal in in tur min pe a” tih thu kha rilru ah vawn reng tur a ni tih I hre reng ang u a ti.

Officer-te mahni hna chanpual theuhah rinawm tak leh taima taka thawk tur leh file delay awm lo tura hna thawk turin a chah a, hautaklo leh sawrkar sum leh pai te a renchem zawnga Department Officer te an kal a pawimawh a ni a ti bawk.

Department Officer te chu inpawh tak leh lungrual taka thawkho a, mipui rawng an bawl sak te chu ngaihpawimawh ber turin a chah bawk.

He meeting ah hian Secretary leh Director hovin staff an kal kim hle a ni.