Ministry of Youth Affairs & Sports in National Youth Award kum tina a pek thin chu January ni 12, 2014 hian National Youth Festival, Ludhiana, Punjab-ah Lalramchhuanzela, s/o R. Vanlalzauva, Mission Foundation Movement, Bawngkawn hnenah hlan a ni dawn.

Lalramchhuanzela hi Mission Foundation Movement-a Coordinator hna chelh mek a ni a. He pawl hian thalaite chawikanna leh tih hmasawnna atan theih tawp chhuahin training chi hrang hrang an buatsaih a. Heng training an pek te hian eizawnna nghet tha tak tak an nei thei a, mi puitling an chher chhuak tam hle bawk. Thalaite hamthatna atan an thawh that avang hian National Youth Award hi pek tura rawt ani ta a ni.

National Youth Award dawng tur ngaihtuahna hi 24.06.2013 khan neih a ni a, Selection Committee-ah hian Mizoram Sorkar-a Sports & Youth Services Department Secretary chu Chairman niin, Director chu Member Secretary a ni a. Tlawmngai pawl hrang hrang hruaitute nen Award dawng tur ngaihtuahna hi neih niin, an rawtna hi Sorkar laipui pawh in a pawm ta a ni.