Saiha District a chammek Pu S.Hiato, Minister i/c P.H.E. etc chuan Dt 10.4.2010 khan Saiha District a Chakhang tlangdung tlawh in heng khua Niawhtlang, Lungbun, Chhuarlung leh Chakhang khuate hi a tlawh a, heng a tlawh khuate hian Minister hi lo hmuakin anlo lawm hle a, amah hmuaktu te hnenah thu sawiin Minister chuan Phusa atanga Chhuarlunga pem tur a tih la pem lo chhungkua 27 te hnenah an pem a an inbenbelna tur Backward Region Grant Fund (BRGF) sum atanga ruahman chu chhungkaw tin a vawikhatna atan Rs 30000/- theuh Cheque in a hlan. Chhungkaw 27 te hnenah cheque hi hlanin chhungkaw 10 te erawh chu an pem loh avangin Office lama lam tura tih an ni.
Pu S.Hiato, Minister chuan Phusa khua chu Motor tlawh phakloh a awm anih avangin hmasawnna tur kawng tamtak ah an hnufumphah a, tuna pem tawhte hnenah lawmthu sawiin la pem lote pawh an tu leh fate hmathlir ngaihtuah chunga pem ve turin a chaha, tunlai hmasawnna chak taka thang mek leh Information Technology hmanga khawvel hmasawnna umpha tura kan inbuatsaih a tul ani, a ti. Pu N.Chakhai,P.D., D.R.D.A. Saiha pawhin heng pemte chhawmdawlna tura ruahmanna Saiha D.C. te nen an siam leh hmalak dan te a tarlang bawk.
Minister hian Chakhang-ah Vantlang inkhawm buatsaih hmanpui in, India leh Mizoram sorkar in kan ram hmasawnna turin theihtawp a hma an lak avangin kan vannei hle ani, tiin mipuite leh abikin thalaite chu kan district hmasawnna tura theihtawp chhuah tur leh Mara ramin mithiam Officer tamtak kan neihte hnungzui thei tura kan in buatsaih a tul ani, a ti. He mi hnu hian Minister Pu S.Hiato chuan SGSY hnuaia Self Help Group ten an din “Traditional Mara Weaving Promotion Centre” chu a hawng nghal a, Minister chuan Mara hnam incheina chi hrang hrang humhalh leh chawikanna tura Chakhang Hmeichhe Pawl hmalakna-ah lawmthu sawiin tan la thar leh zual turin a chah ani. He Centre ah hian Mara hnam incheina chi hrang hrang tah in phochhuah a nih bakah lei nghal theih ani.
Minister hi Saiha atangin D.C., S.P., P.D.,DRDA. E.E.,PHE, MADC a E.M. thenkhat leh chanchinbu miten an tawiawm a ni.
Minister hian Chakhang-ah Vantlang inkhawm buatsaih hmanpui in, India leh Mizoram sorkar in kan ram hmasawnna turin theihtawp a hma an lak avangin kan vannei hle ani, tiin mipuite leh abikin thalaite chu kan district hmasawnna tura theihtawp chhuah tur leh Mara ramin mithiam Officer tamtak kan neihte hnungzui thei tura kan in buatsaih a tul ani, a ti. He mi hnu hian Minister Pu S.Hiato chuan SGSY hnuaia Self Help Group ten an din “Traditional Mara Weaving Promotion Centre” chu a hawng nghal a, Minister chuan Mara hnam incheina chi hrang hrang humhalh leh chawikanna tura Chakhang Hmeichhe Pawl hmalakna-ah lawmthu sawiin tan la thar leh zual turin a chah ani. He Centre ah hian Mara hnam incheina chi hrang hrang tah in phochhuah a nih bakah lei nghal theih ani.
Minister hi Saiha atangin D.C., S.P., P.D.,DRDA. E.E.,PHE, MADC a E.M. thenkhat leh chanchinbu miten an tawiawm a ni.
Attachment
- Loading attachment...
