2870/2022-2023
Guwahati, 30th November, 2022 : Vawiin khan Health Minister Dr R. Lalthangliana chuan Guwahati-a Dr.B. Boruah Cancer Institute (BBCI) ah High Dependency Unit (Female) ward a hawng.

He HDU hi khum 6 awm theihna niin, Minister chuan BBCI in cancer damlote enkawlna hmun thar hawn a ni chu lawmawm a tih thu sawiin, he ward thar donate tu chhungkuate inphalna ropui a tih thu a sawi a. He hawnna hun inkhawmah hian Mizoramin JICA puihna hmanga Cancer Research Institute din tura hma a lak mek thu sawiin, chumi a hlawhtlinna tur atana thiamna inpek chhawn chungchangah BBCI puihna kan mamawh tur thu sawiin, BBCI hotu te chu Mizoram lama outreach programme rawn nei turin a sawm nghal a ni.

Hemi hnu hian Guwahati Mizo Students Union silver Jubilee lawmnaah khuallian niin hun a hmanpu a. He hunah hian zirlaite chu  ram leh hnam tana chhenfakawm ni turin leh mahni ram leh hnam hmalam hun thlir a theihtawp a zir turin a fuih hlawm a ni.