Vawiin hian Minister of State Pi Vanlalawmpuii Chawngthu chuan a bial chhung Sialsir khuaah YMA Library Building thar a hawng.

Library Building thar hawnna inkhawm, Sialsir Community Hall a buatsaihah Pi Vanlalawmpuii Chawngthu chuan, tunlai khawvelah internet leh social media hrang hrangte thang nasa em em mah se lehkhabu chhiar hlutna leh pawimawhna a tlahniam chuang lova. Thiamna nghet leh rintlak, hriatna chhawr tlak chu lehkhabuah zel a la awm ani, a ti a. Internet chu lehkhabu puitu mai a la ni rih zawk ani, a ti. Mi inchhiar peih, lehkhabu ngaina apiang hi mifing, pa rawn an ni mai a. Khawvel chu a thiam leh hria apiangte dinchhuahna anih avangin kan thiama kan hriat theih nan kan chhiar peih a tul ani a ti ani.

Library hawnna inkhawm hi Pu C. Lalramnghaka, President YMA in a kaihruaia, Pu Lalramliana, Librarian, Mizoram State Library leh Dr. Lawmzuala, President, Mizoram Library Association te pawhin thusawina hun a hmang ve bawk.