Nimin dt 5.1.2015 khan AH &Vety Minister Pu C.Ngunlianchunga chuan Lawngtlai atanga KM. 10 a hla Tuiphal zau a NLUP sum hmanga kawng laih thar a en.

Tuiphal zau hi tunhma lam chuan Buh leh Thlasik thlai tharchhuah tamna a ni thin tih Minister chuan sawiin, kawngpui duhthusam a awm loh vangin kuthnathawktuten harsatna an tawk thin a, tuna kawngpui laih a ni ta chuan he lai zauva kuthnathawktute harsatna tamtak a sutkian a beisei thu a sawi.

Tuiphal zau hi Motor kawngpui atanga KM 4 vel chauh a hla niin, kawng laihtlang a ni tawh a, Tuiphal zau atanga loneituten an thlai thar an lakchhuah na tur in he lai zau a Sareplui atanga Dillui chhuah thlengin NLUP sum hmang hian laih belh niin, Krismas hma lawk khan kawng hi laih zawh a ni a, kawng laihthar hi KM 3 a thui Metres 4 a zau niin, Cheng Nuai 15 seng a laih a ni.