Pu Lalrinmawia Ralte, Minister, Environment & Forest, Lobour Employment etc Bialtu MLA ni bawk chuan Dt 4-5, January 2014 chhung hian bialchhung khaw hrang hrangah Northeast Consultancy Service leh Home Department kaltlanga sak Private School Building Saikhawthlir Rs 39.38 lakhs, Hriphaw Rs 38.22lakhs, Zawlnuam Higher Secondary School 38.83lakhs , Public School Zawlnuam Rs 50.00 lakhs , Baptish English School zawlnuam Rs 50.00 lakhs leh Thinghlun High School Building 39.90 lakhs senga sak te chu a hawng.

Heng School building hawnna hun ah hian thu sawiin Minister Pu Lalrinmawia Ralte chuan hetianga School Building tha tak mai hawn theih a ni ta chu lawmawm a tih thu a sawiin heng School Building hawn tur kan neih theihnan a thahnem ngai tak leh remhre taka ngaituahna sengtute fakin he project-ah hian India hmarchhakah Mizoram chiah hi a chhawr tu kan la nih thu leh kan vanneih zia kan inhriata zirlai leh zirtirtu te pawh school building te enkawlzuina kawngah duat taka enkawl turin a chah a. Minister chuan School hrang hranga zirlai te chu hmun changkang leh khawpui zawka zirlai te nen in danglamna a awm bik lo a ni tiin zirlaibu in ang vek ring in ni a, zirlaibu hre tam apiangte hi changkang leh ding chhuak tur an ni a, chu chu hrereng a taima tak leh thahnem ngai taka zira hlawhtlinna sang zawk nei tura tan la nasa turin a chah a ni.

Minister hian khawtlang mite tana hmasawnna leh infiamna lama hma an sawnna tur atana School naupang ten Football an zirna tur Football Academy NECS tena an enkawl tur Zawlnuam Public School ah a hawng nghal bawk.

Minister hian a bial chhung mipuite’n an lo lawmnaah leh an thlantlin avangin lawmthu a sawi bawk.

Pu Robert Romawia, Chief Managing Director NECS pawhin heng School Building sak dan chungchangte a sawina hun a nei bawk.

Minister hi Pu Liankima Lailung, Conservation of Forest, Northern Circle, Pu Liandawla,IFS Chief Wildlife Warden, Pu Hualthanga Chhhakchhuak Joint Director, Soil & Water Conservation leh Sawrkar mi pawimawh thahnem takin an tawiawm a ni.