Vawiin khan Serkawn Nursing School chuan Graduation Day an hmang a. Pu P.C. Lalthanliana, Social Welfare Minister chu khuallian a ni.
Thusawiin Minister chuan Mizoram Baptist Kohhran BCM in thlarau damna rawngbawlna hna mai duh tawk lova taksa damna rawngbawl hna a kalpui chu lawmawm a tih thu a tarlang a. Christian Hospital Serkawn-ah hian mi tam takin damna an hmu a, mi tam takte khawvel eng hmu thei turin an lo piang tawh a ni a ti. Hospital ti hmingthatu leh chawimawi ber tute chu Nurse te hi an ni tiin damlo a taka enkawl leh an bul hnaia awm reng thin an nih avangin Nurse te chu damlote thlamuantu leh rilru damna pe tu an ni a ti a. Nurse te chu an dinhmun pawimawh zia leh an hna chu rawngbawlna pawimawh tak a ni tih hre turin a chah a ni.
Pu Lalthanliana chuan Christian Hospital Serkawn in mi engemaw zat Nurse hna pawimawh tak mai thawk tura a train chhuak leh ta chu lawmawm a tih thu sawiin, Hospital thuneitu leh hemi kawnga thawktute chungah lawmthu a sawi a. Nurse training chhuak te chu khawi hmunah pawh thawk se, an rawngbawlna leh pawimawhna hre reng turin a chah a. Hlawh leh dinhmun chauh ngaihtuah mai lovin, midangte tan malsawmna ni thei ngei tur leh Pathian rawngbawlna anga ngaia thawk turin a chah bawk a ni.
Graduation Day ah hian Nurse 17 tirh chhuah an ni a. Minister hian School of Nursing hman atan Computer set 1 a pe a. Kumin chhungin Motherless Home tanpui nan cheng nuai 2 pek tur anih thu pawh a sawilang nghal a ni. Minister hi a thiannu leh official bakah BCM puipa ten an tawiawm a ni.
Pu Lalthanliana chuan Christian Hospital Serkawn in mi engemaw zat Nurse hna pawimawh tak mai thawk tura a train chhuak leh ta chu lawmawm a tih thu sawiin, Hospital thuneitu leh hemi kawnga thawktute chungah lawmthu a sawi a. Nurse training chhuak te chu khawi hmunah pawh thawk se, an rawngbawlna leh pawimawhna hre reng turin a chah a. Hlawh leh dinhmun chauh ngaihtuah mai lovin, midangte tan malsawmna ni thei ngei tur leh Pathian rawngbawlna anga ngaia thawk turin a chah bawk a ni.
Graduation Day ah hian Nurse 17 tirh chhuah an ni a. Minister hian School of Nursing hman atan Computer set 1 a pe a. Kumin chhungin Motherless Home tanpui nan cheng nuai 2 pek tur anih thu pawh a sawilang nghal a ni. Minister hi a thiannu leh official bakah BCM puipa ten an tawiawm a ni.
