Environment & Forest Minister Pu Lalrinmawia Ralte chuan vawiin khanHK Jerry Ramliana 3rd Solo Painting Exhibition Vanapa Hall a neih chu a hawng. He exhibition ah hian H.K. Jerry Ramliana'n 2011-2014 chhunga a lemziah 76 pholan a niin Exhibition hi March 1, 2014 thleng a awh ang.

Minister chuan lemziaktu ngaihtuahna hi a ril lutuk a, vawiin lemziah pholan ho pawh engtikah nge hriat thiam a nih ang tih hriat a ni lo a ni a ti a. Art form hrang hrang tih hmasawn nan leh mi bik ten an thiamna sawr chhuak thiam tur hian mi zawng zawng kan tangrual a ngaiin inhlut thiam sak a ngai a ni Minister chuan a ti a. Lemziah tih hmasawn nan sawrkar pawhin theihtawp a chhuah zel a beisei thu Minister chuan a sawi bawk.