Vawiin dar 11 am khan Minister Pu P.C. Lalthanliana chuan TNT hmun a J.Zosangliana leh Lalthlamuani Sailo hriatrengna Volleyball inkhawmpui vawi hnihna chu a hawng.
Pu P.C. Lalthanliana chuan TNT ten an rawngbawl pui thinte hriatreng nana Volleyball inkhawmpui an buatsaih chu fakawm a tih thu a sawi a.TNT te rawngbaawl na leh in pek na chu ropui a tih thu leh rilru taksa leh thlarau damna famkim rawngbawlna tak tak an kalpui chu, Pathian thiltihtheihna ring ngamtu te tan chuan tih theih loh a awm lo a ni tih a takin an tilang a, TNT hmunah hian Pathian ropuina tarlan in a awm a ni a ti.Pu Sangthankima, TNT hotupa chunghchang sawiin, Abrahama'n Pathian a rin tlat avanga, Hnam tamtak pa a lo ni ta angin, Pu Sangthankima pawh beisei leh ring tlat chunga Pathian a rinna chuan mi tam tak PA a lo ni ta a ni a ti bawk.
Minister hian TNT mamawh Training na hmun saknan cheng nuai 8 a ruahman sak nghal bawk a ni.
TNT ah hian mi 1041 an awm mek a, nikhata buhfai ei tur ringawt pawh quintal 13 vel an mawmawh a ni. Rilru lama rualbanlo, pianphunga rualbanlo lehl drugs ngawlvei leh nausen enkawltu neilo tam tak awm te a hmunah a tlawh nghal a ni.
