Pu H Rohluna, Environment & Forest Minister chuan Wildlife Week denchhen a Wildlife Painting Exhibition October ni 3 atanga Vanapa Hall a neih chu vawiin khan a khar. Kharna inkhawm hi Pu Lal Ramthanga, Addl PCCF leh Principal Secretary to Chief Minister ni bawk chuan a kaihruaia, Pu Rosiamliana Ralte, President Mizoram Artist Society chuan Report a pe a ni. Wildlife Painting Exhibition hi Enviroment & Forest Department leh Mizoram Artist Society tangkawp ten an buatsaih a ni.
Pu H Rohluna chuan pipute hun ngaihtuahin, nungcha humhalh pawimawhzia leh an tangkainate kan hriat thu leh hemi kawngah hma kan sawm chu lawmawm a tih thu a sawi. Nungcha te lakah helna leh thah duhna rilru, humhalhna leh duatna rilru in a thlak thei ta chu Department thawh rah bik a ni lo tiin hemi lama tlawmngai pawl leh NGO te thawhrimna rah a nih thu sawiin Minister hian an chungah lawmthu a sawi.
Minister chuan ramsa leh sava van chhan chu thah leh veh an nih mai bakah nungchaten ei tur an hmuh loh vang a nih thu a sawi. Nungcha ten chaw a an rin thei ang chi leh rah an tlan theih tur chi thing leh mau chin leh phun uar a tul thu a sawi.
He hunah hian Pu H Rohluna chuan ‘Animals of Aizawl Zoological Park’ tih lehkhabu Pi Lalrammawii Sailo MFS DFO Extension Division, Aizawl in a buatsaih chu a tlangzarh nghal a ni.
