AH & Vety Minister Pu C. Ngunlianchunga chuan  Ni 6 - 8 January, 2015 khan Pang Zirlai Pawl, Joint Headquarters Aizawl ten an buatsaih Pang Zirlai Pawl General Conference, Vathuampui khuaa neihnaah khuallian niin a hmanpui.

Thusawiin Minister hian Zoram hi Ram nuam asiamtur chuan a chhunga cheng hnam hrang hrangtekanin thurual a, thawh hona thakanneih a pawimawh hle a, Zirlai pawl hrang hrang te hian nasa lehzualin hnam inpumkhatnaturinhma la zel se a duhawm hle a ni a ti. Kan ram leh hnam tan nghet taka ding tlat turin zirlaite chu a fuih a, hnam hrang hrang ten mahni tawng theuh zahpui lova, kan hnam tawng ngeia thu kan sawi theih nan hma la sauh sauh turin zirlai Pawlte chu a sawm bawk.

Pang Zirlai Pawl Conference hi MZP President  Lalhmachhuana leh MSU General Secretary Lalremruata Chhangte ten telpuiin an ni pawh hian thusawina hun an hmang a, Pang hnam lam te entirna neih niin zaithiam ten kalkhawmte an awi bawk. He Conference ah hian Thupui ah “Hnam Mawhphurtu chu Zirlaite kan ni” tih an hmang a, an rorelna a an thu ngaihtuah tlangpui zingah Vathuampui To Saibawh kawng Blacktop thuai tura sawrkar ngen te, Pang hnam hi Other Backward Class(OBC) a ziahluh a nih ve theih nana hmalak nise tih ta,Chakma District Council ah Pang hnamin Elected Member Reserve Seat pakhat tal kan neih theih nan hmalak ni rawh se tih leh Dapdep-II ah sawrkarin RD Block Office dah ve ve ngei se tihte a tel.

Pu C.Ngunlianchunga chuan Sawrkar laipui  hmalakna Saansad Adarsh Gram Yojana (SAGY) ah, MLA Constituency tinah Model Village pakhat theuh thlan tur anih angin, Lawngtlai West Constituency ah Vathuampui khua chu thlan anih thu a puang a, Hemi avang hian faina kawngah te, hmasawnna tur an neih kawng hrang hrangah nasa leh zuala khaw mipuiten hma la tura a duh thu a sawi lang a ni.