Vawiin chawhnu dar 2  khan Minister of State for Transport, Forest, Law and Judicial leh Parliamentary Affairs changtu ni bawk Pu TJ Lalnuntluanga chu Circuit House, Champhai tualzawlah khawtlang muipui leh Sawrkar department hotuten an hmuak.

He hunah hian Champhai South Assembly Constituency atanga thlan tlin Pu TJ Lalnuntluanga chuan a phu loh leh beisei phak baka Champhai mipuiten an lo hmuak chu lawmawm a tih thu a sawi a. Hotute leh mipuite duhsakna dawnga tun hun a thleng thei chu lawmawm a tih thu leh Pathian hnenah thinlung takin lawmthu a sawi a.

Pu TJ Lalnuntluanga chuan rinawmna, dikna leh taihmakna nena hnathawh a tum thu leh Zoram thar siam tura tan lak a tum thu sawiin, a kalzelna turah mipuite tawiawmna leh finchhuahna a ngen a. Sawrkar hmalaknate chak zawka kalpui theina turin sawrkar hnathawk leh khawtlang mipuite tanrual a pawimawh thu sawiin, khawtlang mamawh leh Department mamawhte chu chhawpchhuak tura tanho zel angai a ni, a ti a. Mipuite chu thil diklo leh dan in a phal lohte tihluihtir tum lo tura ngenin, dan in a phal ang zelin khawtlang leh mipuite mamawh chu bawhzui zel a ni ang, a ti a. Sawrkar Policy-ahte tumah hleibik neilo leh hamthatna dawng tur dik tak ten an dawn a tul thu a sawi a. Sawrkar  duan Plan leh Project reng reng tha taka zawh a nih theihna tur leh sawrkar langtlang leh dik siam anih theihna tura tanlak a ngaih pawimawh thu a sawi bawk a.

Transport Minister chuan hmasawnna hna thawk turin inpuahchah angai a,  lungrual leh rinawm takin chawl lova beih zel a tul a ni, a ti a. Mipuite chu tumah party anga inthliar lova khawtlang, ram leh hnam hmasawnna tura thawka, tawiawm tlat thin turin a sawm nghal a ni.

Attachment

  • Loading attachment...