1368/2026-2027 

Dated Aizawl the 11th July, 2026 : Tukin dar 7:30 khan Minister pathum - Pu C. Lalsawivunga, Horticulture Minister; Pu B. Lalchhanzova, Revenue Minister leh Pu Lalnghinglova, Tourism Minister te chuan Horticulture Centre, Chite Veng an tlawh.

Mizoram Sawrkar chuan kum 2023 atang khan heng Project pahnih, ‘Development of Pilgrimage & Heritage Tourism Facilitation and Congregation Centre’ leh ‘Aizawl Convention Centre’  te hi Horticulture Centre, Chite hmunah bul an lo tan tawh a. Heng Project te avang hian Horticulture Department hmalakna hrang hrang Scion bank (M. Orange), Anthurium garden, Dragon fruit Nursery, Rose Garden, Godown cum Cold Room, Vermicompost unit, Water tank leh Water Pump House chu tih chhiat a lo ngai ta a.

Tun dinhmunah heng hmalakna hnuaia Building te hi hman theih tura sak zawh tep a ni tawh a. Amaherawhchu, inkalpawhna kawng tur a awm loh avangin tukin zing khan Horticulture Minister, Revenue Minister leh Tourism Minister te hian a hmunah tlawhin, a kalkawng tur te siamfel dan tur an en a. Heng building te hi mipuiten tangkai taka an hman  thuai theih nan hmalak dan tur te leh kawng sial dan tur te an en ho a ni.

Minister te hi an Department chan theuha Officer te,  Chite veng khawtlang hruaitute leh ZPM Aizawl West-II hruaituten an tawiawm a  ni.