525/2026-2027

Dated Aizawl the 14th May, 2026 : Vawiin tlai dar 3:00 khan Lunglei East bialtu Minister Pi Lalrinpuii chuan MINECO-a a pisaah; a bial chhung a zirlai ti thate kawmna hun neiin lawmpuina thilpek a hlan.

Minister-in vawiina zirlai ti tha lawmpuina a pekte hi LH Laltleipuii, Class X, Holy Faith School Lunglei zirlai leh LH Lalrammuanpuii Class XII, St. Pauls' Hr. Sec. School zirlaite an ni a. Unau pianghmun niin Pu LH Lalbiakenga leh Pi B. Sangi fate  niin Lunglei Electric venga cheng an ni. Mizoram Board of School Education (MBSE) buatsaih HSLC Examination, 2026-ah khan LH Laltleipuii hi 9th Position niin, LH Lalrammuanpuii hian HSSLC Examination-a Science Stream-ah 2nd Position dinhmun a hauh a ni. Minister hian an hlawhtlinna chu ropui tiin a lawmpui thu a sawi a, an kal zelna tur duhsakna hlanin an zirlai puitu tur Laptop a hlan ve ve a ni.