4881/2025-2026  

Saitual the 17th March, 2026: Vawiin khan Mission Foundation Movement bul tumin CMO office, Saitualah CMO Office hnenah Multipurpose Utility Vehicle chu Indian Oil Corporation CSR Program hnuaiah inhlanna hun hman a ni a. Inkhawm hi Saitual Bawrhsap Pu Srinivas Sadi chuan kaihruaiin, Prof. Lalnilawma, Minister of State, Bialtu MLA ni bawk chu khuallian a ni.

Inkhawm kaihruaitu Saitual bawrhsap Pu Srinivasa Sadi chuan Saitual District ina a mamawh em em mai an inhlan thei tur chu lawmawm a tih thu a sawi a, thingtlang kilkhawr zawk te thleng a, nunna chhanna atana tangkai tak a nih ngei a beisei thu a sawi bawk.

Pu Lalramchuanzela, Executive Director, Mission Foundation Movement chua report pein, Saitual District atana Health sector a hman turin IOC hnenah hian Project thehlutin IOC hian motor 2 an rawn pek thu sawiin hmun harsa leh kilkhawr zawkah Health check up neih nan te, immunisation leh vaccine sem nan ten an hman tur thu a sawi.

IOC, Sr. Manager chuan NGO rintlak leh record tha tak MFM kaltlang a, tanpuina an pe thei chu lawmthu sawiin Mizoram hmun hrang hrangah a bikin hriselna lam (health sector) lamah nasa taka an luan chhuah tawh thu a sawi a, Project hi dil an tam viau laiin mi tlem te rintlak tak te hnenah kan pe thin a. Mihring kan nih chhung chuan hriselna hi a pawimawh em em a, hriselna tha nei tur chuan, a hun taka inenkawl theih te leh in enkawlna tur dawn theih hi a pawimawh hle a, chu mi sut kianna tur atan he Multipurpose Utility Vehicle hi an hman ngei theih nan duhsakna a hlan a ni.

Khuallian chuan CSIR fund behchhan in Company lian tam tak hneah Project hi Mission Foundation Movement te nen theih tawpin an dil a, vawi tam tak an hlawhchham tawh hnu ah IOC in an dilna te an tih hlawhtling sak thei hi lawmawm a tih thu sawiin, Saitual mipui tan chauh ni lovin, Saitual District pumpui tan tangkai tak a hman a nih theih ngei a beisei thu a sawi a ni, MFM lam pawhin theih tawp chhuahpui zel turin a sawm a ni.

Dr. Zothanpari Chhakchhuak, Dy. Chief Medical Officer, Saitual District lawmthu sawinain hun a khar a ni.