4880/2025-2026 

Aizawl, 17th March, 2026 : Vawiin March ni 17 hi World Social Work Day, 2026 a ni a, he ni denchhena hun buatsaih chu FCS&CA Minister Pu B.Lalchhanzova'n ICFAI Universityah a hmanpui.

Kumin Social Work Day thupui chu "Co- Building Hope and Harmony: Harambee call to unite a divided society" tih a ni a. He hunah hian Pu B. Lalchhanzova chuan thu sawiin social work hi kawng hmang nei taka midangte puihna "Technical & Profesional Helping Discipline" a ni a, khawtlanga thil tha chin than awmte phun ngheh a, midangte zirtir bakah khawtlang that tawk lohna siam tha a, a tul anga repair theihna thiamna kengtel a ni a ti a, social work chuan puih ngaite hrechiang hmasain leh inkungkaihna tha tak siam hmasain midangte anmahni leh anmahni intanpui thei turin a thawhpui thin a ni a ti.

Pu B.Lalchhanzova chuan Social work zirlaite chu an thiamnate kan khawtlang leh ram tan tangkai taka hmang tura intuaihriam zel turin a chah bawk a. Ama chanchin tarlangin thingtlang tlangval, hmalam pan duh vanga chhungte bela khawpuia bul tan ve mai pawhin Pathian zarah leh a tum ruh vanga tun dinhmun a thlen theih chuan ICFAI University a zir phakte chuan an tum phawt chuan hlawhtlinna sang tak an chang thei ngei ngei ang tiin zirlai kalkhawm te chu a fuih.

Pu B. Chhanzova chuan ICFAI a Social Work zirlai te chu a NGO enkawl Cod Nercah engemawzat an lo zirtir ve tawh thu leh Master Degree zo thei tura hlen chhuah ngei ngai block placement an lo pek tawh thin thu sawiin, an zinga a tel thei chu lawmawm a tih takzet thu a sawi a ni.