4879/2025-2026
Dated Serchhip, the 17th March, 2026: Vawiin chawhma dar 10:00AM khan Shaksham Anganwadi & Poshan 2.0 hnuaiah Serchhip Bawrhsap Pu Paul L Khuma hovin DC Meeting Hall ah District Convergence Meeting neih a ni.
District Convergence Committee Chairman leh Bawrhsap ni bawk Pu Paul L Khuma chuan sawrkar department hrang hrangte thawhhona hian sawrkar leh mipuite tan thil tha a chhuak thin tih sawiin officer kal khawmte chu thawhhona tha tak nei zel turin a fuih a. Tum thuhmun nei ten tang tlanga hna kan thawh hian sawt zawk leh awm ze nei zawkin hna a thawh theih a ni, a ti.
Meeting hmasa ni 29.01.2026-a neih tawh a thurelte bawhzui a nih dan report ngaihthlak a ni a. Pi Lalthlamuani Rokhum, District Programme Officer, Women & Child Development Department leh Member Secretary ni bawk chuan agenda sawihawnna neiin line department te hmalak dan hrang hrang ngaihthlak a ni bawk.
District Programme Officer (DPO) office tur hmun chungchang sawiho niin Additional DC kaihhruaina hnuaiah a hmuhhma tur P&E Veng lamah en a ni tawh a. DLC meeting ah thlen leh tura dah a ni. Leisang Venga Anganwadi Centre chu a hmun sawn dilna a luh avangin meeting hmasaah sawiho a lo ni tawh a. AOC Veng lam en niin hei pawh hi la rel leh tura dah a ni bawk.
District Urban Development Office hmalaknain Angnwadi Centre sawm tan bawlhhlawh bawm leisak an ni a. Hei hi hun remchang hmasa berah sem ni se, an ti a. Kut sil dan dik inzirtir chungchang pawh DUDO te nena thawkhoin hmalak a ni dawn bawk a ni.
Chairman Pu Paul L Khuma lawmthu sawina in hun a khar a. Thawhhona tha tak nen an thurel bawhzuina kawngah a hmawrbawkna tha tak leh hlawhtling tak an neih theihnan theihtawpa bawhzui turin kalkhawm te a sawm a ni.
