4878/2025-2026
Dated Serchhip, the 17th March, 2026 : Tunlai hian Serchhip District chhungah mi thenkhat ten kan thenawm ram Myanmar lama hralh chhawn leh turin kan District chhung Filling Station thenkhatah Tuialhthei a hlawmin an la thin tih hriat a ni a. hei hian mipuite tan harsatna lian tak a thlenin, kan District chhungah Petrol leh Diesel indaihlohna a awm phah fo thin tih hriaiin, Petrol leh Diesel hralh leh lei chungchangah District Magistrate Pu Paul L Khuma chuan Section 163 of Bharatiya Nagarik Suraksha Sanhita, 2023-in thuneihna a pek angin a hnuaia thupek hi a tichhuak:
1. Serchhip District chhunga Filling Station ten Sawrkar in man(rate) a bithliah aia sangin(Black Marketing) Petrol leh Diesel an hralh tur a ni lo.
2 . Serchhip District chhunga Filling Station zawng zawng ten Petrol 500litre leh Diesel 1000litre chin chunglam chu phalna neia dahthatna (Storage permit) nei te hnenah chauh an hralh chhuak tur a ni.
3.Petrol leh Diesel sumdawnna kaihhnawih thilah kan thenawm ram Myanmar leh ram dangah dan lova hralh emaw pek chhawn khap tlat a ni.
He thupek hian thu leh awm hma chu Order chhuah March 17, 2026 atanga thla 2(two months) chhung a huam ang.
He thupek zawm lo chu Section 223 of Bharatiya Nyaya Sanhita, 2023 dan hmangin hrem theih an ni ang.
