4280/2024-2025

Aizawl, the 17th February, 2025: Vawiin khan RD Minister Prof.Lalnilawma chuan Thingsul-Tlangnuam Village Council house a hawng.

VC House hawnna inkhawmah hian RD Minister chuan Kuthnathawktu te tan Sawrkarin theih tawp a chhuah mek zel a ti a. Kuthnathawktu te thlai thar pawh Sawrkarin ruahmanna felfai tak neiin lei tura chak taka kalpui mek zel a ni a ti.

VC House hawn thar chu Village Council hotuten mipui rawng an bawlna kawngah an mamawh leh tangkai a ni tih sawiin Thingsul - Tlangnuam VC te pawh phur taka an khua leh tui tan hna thawk zel turin a fuih a ni.

Thingsul-Tlangnuam VC House hi NH-54 kawnglaih avang a NHIDCL aṭanga Public Assets fund aṭanga VC ten an sum dawn hmanga sak a ni. Minister hi Thingsul BDO leh official dang ten an tawiawm a ni.