4279/2024-2025

Dated Aizawl: the 17 February 2025: Tunlai hian Mizoram Health Systems Strengthening Project (MHSSP) Health & Family Welfare Department chuan thisensang, zunthlum, cancer,. stroke leh lungphuchawlte laka inven dan tur leh inenkawl dan tur Mizoram District hrang hrang paruk (6)-a khaw 510-ah te zirtirna a kalpui mek a. Hemi atan hian Village level,. District level leh State level ah te 'Hriselna atan kein kal thin ang che' (“Walk for Health”) tih thupui a hmangin kea kal runpui “Walkathon” a buatsaih thin a ni.

Hemi bul tanna atan hian Mamit District-a khaw panga (5) - Chungtlang, Rulpuihlim, Tuahzawl, Bawrai, Zawlnuam Leh Damparengpui ah te ni 15.2. 2025 khan Walkathon hi buatsaih tawh niin, Hemi tum hian mi 658 lai an tel a ni.

Health district paruk (6) – Aizawl East, Lunglei, Kolasib, Serchhip, Lawngtlai leh Mamit ah te Walkathon hi February ni 15 atanga March ni 12-ah te buatsaih leh tura ruahhman a ni a.. Heng District huam chhunga mipuite chu lo tel vek turin MHSSP, H&FW Dept. chuan a sawm a ni.

Walkathon kharna hi ropui takin March ni 21, 2025 hian Aizawl-ah buatsaih tum a ni a. . Mizoram-a milar entawntlak tak tak ten hma hruaiin, Aizawl veng hrang hrang atangin kea lammual pan khawm tur a ni a. Hriselna atana Kea kal tam pawimawhzia inzirtirna a mipui pung khawm tam ber record siampui ngei  turin MHSSP, H&FW Dept. chuan mi zawng zawng tel theuh turin a. sawm a ni.