1968/2026-2027

Aizawl the 28th August, 2026: Minister Pu B. Lalchhanzova chuan Dawrpui Multipurpose Hall-ah ICFAI University Mizoram buatsaih Freshers' Day Programme a hmanpui.

Khuallian Pu B. Lalchhanzova chuan ICFAI "Duhthlanna siam thiam pawimawhna" tih thupui hmangin, zirlaite fuihna thu a sawi a. A thu sawi zawh hian zirlaite tan zawhna leh chhanna hun a hawng a, zirlaiten an hlawkpui hle.

Vawiin programme-ah hian Major Charles Chalrinmawia, Territorial Youth Secretary (TYS) chuan kalkhawm te Pathian hnena hlanna hun a hmang a. ICFAI University Mizoram Vice Chancellor, Prof. Dr. Ginlianlal Buhril chuan kalkhawmte lawmna thu a sawi.

Zirlai lut thar mi 480 te puala programme buatsaihah hian Student Representative-te aiawhin President kal chhuak Rosangzuala chuan thu a sawi a.  ICFAI University Registrar Dr. David Lawmzuala'n lawmthu sawiin hun a khar a ni.