831/2022-2023
YMA Venglai Branch Kumpuan Hawnna leh veng chhunga zirlai leh sport lama ti tha te chawimawina semna hun nizana Cultural Heritage Centre, Lungleia neih chu bialtu MLA leh Agriculture etc Minister ni bawk, Pu C. Lalrinsanga’n a hmanpui.

He hun, Pu Malsawmdawngliana, President YMA Venglai Branch kaihhruaiah Pu C. Lalrinsanga chuan YMA kumpuan ‘Ram leh Hnam Humhalh’ thiltumte ti hlawhtling turin mimal tin kan pawimawh hmasa in ram leh hnam kan hmangaih tlan a pawimawh takzet a ni, a ti a. Ram leh hnam humhalh na kawng tha ber te zinga mi chu zirna lama hmasawn a ni tiin zirna lamah Mizoram chhimlam kan tla hniam tawh hle a, tunhma chuan chhimlam hi zirna leh ram hruaina kawng a hmahruai tu kan ni thin a, chumi chu chhawm nung thar leh turin tan ila tlan ang u a ti bawk. Zirlai leh infiammi ti tha te chu lawmpuina chibai bukin tum mumal nei a, chhungkua, khawtlang leh ram tana chhawr tlak nih tum turin a chah bawk a ni.

Program-ah hian Pu Lalrotluanga, President, YMA Sub Hqrs pawhin thu sawiin Pu Vanlalrema Chawngthu. Asst Secretary, YMA Venglai Branch chuan report leh inhmelhriattirna hun hmangin Pu Vanlalrawna Chawngthu, Vice President, YMA Venglai Branch chuan lawmthu sawina hun a hmang bawk a ni.

HSLC exam-a ti tha (Distinction) zirlai pali leh HSSLC exam-a ti tha (Distinction) zirlai pathum, Post Graduate distinction-a pass zirlai pahnih te bakah veng chhung ami sports lama hlawhtling mi pathum – FC Zothankima, Inter District Judo Championship a Gold la, S. Laltleipuia, Lunglei District Powerlifting Championship Gold medal leh P. Lalchamliana, 44th National Arm Wrestling Championship, Hyderabad-a Bronze Medal la te chawimawi an ni.