832/2022-2023
Aizawl, 9th June, 2022 : Mizoram Youth Commission Chairman Dr.Vanlaltanpuia, MLA chuan vawiin khan Tuidam leh Kawrthah khua te tlawhin Sports & Youth Services Department hmalakna a sak mek Laldenga Football Ground, Tuidam leh Sports Academy, Kawrthah a tlawh.

Dr Vanlaltanpuia chuan Tuidam leh Kawthah a Sports Minister Pu Robert Romawia Royte hmalakna te chu fakawm a tih thu sawiin, a bik takin hetiang Sports Infrastructure tha mizoram hmun hniam (low lying area) a dah a ni hian mizo thalai infiammite tan hmasawnna nasa tak a pe ngei dawn a ni a ti a. Mizo infiammite hi hmunsang (high altitude) a infiam thin kan nih avangin phai khawlum a inelnaah te an duh angin an ti tha thei lo fo thin a, heng hmunhniam a training facility kan neih te hian infiammite nasa takin a pui ngei dawn a ni a ti bawk.

Mizoram Youth Commission Chairman a nih angin thalaite hmakhua ngai a nasa taka hnathawktu, mizoram hmuntin a infiamna hmanrua changkang tak tak min chhawpchhuah sak tu Sports & Youth services Department leh a changtu Ministerte an fakawm takzet a ni a ti a. Heng project lo pian theihna tur atan a remtihsaktu Chief Minister Pu Zoramthanga, Planning and Programme Implementation Department changtu ni bawk hnenah thalaite aiawhin lawmthu a sawi bawk a ni.