Nimin zing khan Agriculture Minister, Lunglei West bialtu MLa ni bawk Pu C. Lalrinsanga chuan PWD hotute nen a bial chhunga kawng siam that hna kal mek – Bazar Veng, Venglai, Rahsiveng leh Sazaikawn inkalpawhna te a hmunah an enfiah.

Pu C. Lalrinsanga chuan kawngpui siam that mek chu mipuite tana pawimawh tak anih avangin uluk leh chak taka thawka, kawng tlo leh tha siam turin Department hotute chu a hrilh a. A bial chhunga kawng siam that hna tluang taka kalpui zel a ni chu lawmawm a ti a; PWD hotute lam atanga harsatna awm angte pawh ngaihthlak sakin kawng tha leh tlo siam anih theih nana enzuia, vil zui zel a tum thu a hrilh nghal bawk a. Fur ruah tui thlen hma ngeia hna pawimawhte thawk zo hman turin Department hotute hi an ngen a,Department hotute pawhin theihtawp chhuah a hmalak an tum thu an sawi bawk.