Information & Public Relations Department in nikum 2018 - a mizo short film competition a buatsaih tuma lawmman 1 na dawngtu ‘RINNA’  Aldrin Zosangliana film siam leh Best Editing lawmman latu ‘My Angel’ Albert Zosangliana film siamte chu Guwahati International Short, Animation and Documentary Film Festival (GISADFF) ah intihsiakna huang atan thlan an ni a. Guwahati International Film Festival hi January 22 atanga 24 chhung neih a ni a, naktuk January 23 hian My Angel film hi mipui en theih tura pho chhuah a ni dawn a, January 24-ah ‘Rinna’ film hi chhuah leh a ni ang.

Non Competition category ah Pu Napoleon RZ Thanga, documentary film, The Mizo Uprising chu mipui en theih turin tihchhuah tur zingah thlan a ni bawk a. January 23 chhunah chhuah a ni ang. Guwahati International Film Festival ah hian Pu Napoleon RZ.Thanga hi sawm a nih angin a kal bawk a ni.